شلونكم شباب هاي احلى ابوذيات عراقية


غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــه

عشكتة ورفضوا اهلي شيعوني
وعلى قبلة يهودي شيعوني
صفت بس الجكارة شي يعوني
على حب الشعر والابجديه

تهذبنا بهواكم وانتهينه
وادور هناك عنك وانت هينه
الكلب بيدك يغالي وانت هينه
تهين وتأمر وتنهي عليه

غالي الدهر بجفاكم بلانه
وقدر مكتوب من الله بلانه
شلون اتنام يالغالي بلانه
وحنه سنين عشرتنه سويه

يفز مثل الكَة كَلبي منشفاه
وعسل يالجان مشروبي من شفاه
عسه كلمن كَطع شفي من شفاه
بمرض لا للشفه ولا للمنيه

وسفه الوكت عنك لهانه
واذا حبك حبر هايج له انه
صرت ملفوف جني لهانه
شفتك والخجل بين عليه

وحكَ الالف واللامــين والها
وروحي بهوى ساهي العين ولها
لها ثغر وجبين وعــين والها
اخذ شبه البدر لو سـطع ضيه

عنيت وبس عليك الناس يعني
ومنو غيري الك بالناس يعني
اكله شكد تحبني يكلي يعني
شنو اليعني منو اليصرفة الية

شكرا عيوني توفي على الابوذيات الحلوة